عيد سعيد ياغزة غصب عن كل جبان محاصرك
زجل - توفيق راضي / مصر
وليكى منى ياغزة تهانى عشان العيد
عيد عليكى وعلى كل اهلك سعيد
والتهانى متخصش الكلب والرعديد
من اللى حاصروكى وحكوطى فى ايديكى حديد
صمودك ياغزة دا والله للدنيا مثال
على عهر حكامنا الزبالة الأندال
عاوزين سقوطك علشاك تكونى مثال
لكن سقوطك دهو بجد صعب المنال
تاريخك ياغزة كان دايما فيه كتير حصار
من عهد اخناتون لعهد اكبر حمار
لكن لاقهر نافع فيكى ولا استعمار
وكان صمودك دايما لينا افتخار ومنار
وفى الاخر ليكى منى ياغزة نصيحة
صواريخك دى لعبة وحتة صفيحة
عدوك الندل بيعمل منها فضيحة
واهلك العزل تموت وتبقى دبيحة
وطبعا عيب عليا بس اقول فى كلام
اوعدك اعمل جهدى وابطل الاحلام
وننهى حصارك ياغزة ونوقف الألام
وعين البطل تنام والندل مابينام
وفى النهاية يا غزة بقول برضه عيد سعيد
غصبن عن كل خاين جبان او رعديد
وقريبا نشوف نهاية كل جبار عنيد
ونرجع البسمة ليكى ولكل طفل سعيد