ملك الصعاليك
صعلوك وليه اتكسف
صعلوك امير زمانى
مهما رمانى فى محن
صعلوك بضحك فى وش الزمن
عمرى ما بكيت على حالى
بس اتعميت من كتر البكا على الوطن
صحيح صعلوك
اتكلم اقول من غير خوف
عمرى ما خفت من عسكر ولا سكين
ومادام العمر واحد تخاف ليه يا مسكين
ضايع صحيح
من غير ظهر ولا سند
بس تراب بلادى اغلى عندى من الدهب
ومهما ضحك عليا الرعاع
وقالوا صعلوك
انا صعلوك اى نعم
بس مين يعرف معنى الصعلكة
عمرى ما رقصت على ناى غريب
ولا ضحكت ظالم مريب
طول عمرى ضحكى وبكايا
عشان غلابا الوطن
وياما فيك يا وطنى غلابة
وفيك بردوا ديابة
انا الراعى الامين على قطيع هزيل
من حكم ديب
وحاكم عنا غريب
بس يا ريت حد يفهم
انا مش عاوز تصقيف ولا مديح
بس مش عاوز كل الى اعمله يروح ادراج الريح
ويسيبنى لوحدى على اطلال وطنى جريح